Open Artificial Intelligence (OpenAI) Generative Pretrained Transformer (GPT) kabi modellarning dasturlash dunyosida ham keskin rivojlangani va moslashtirilganini ko’rdik. Chat Generative Pretrained Transformer (ChatGPT), GitHub Copilot va ayni damda Copilot X kabi vositalar dunyo miqyosida dasturchilarning ish samaradorligini oshirib berdi.

Ammo ular dasturchilarning o’rnini bosmaydi, aksincha, ular dasturchilarga yaxshiroq ishlashga imkon beradigan yordamchi vositalar qatoriga kiradi.

JetBrains IDE. Birinchi marta Sublime Text matn muharriridan to’liq JetBrains IDE ga o’tganimda aqldan ozayozgan edim. Ish tezligim ortib ketdi, chunki men birdaniga avtomatik to’ldirish, avtomatlashtirilgan qayta ishlash, integratsiyalashgan testlash jarayonlarini yo’lga qo’ydim va loyiham bog’liq bo’lgan omillarni chuqurroq tushuna boshladim. Natijada, sifatli kodlarni juda qisqa muddatda yaratishni uddaladim.

Sun'iy Intellekt (SI) vositalari shu kabi rivojlanish jarayonidagi keyingi qadam bo’lib xizmat qiladi.

Yil boshidan beri shaxsiy loyihalarimda Copilot va ChatGPT’ dan foydalanib kelyapman va ularda ham yuqoridagidek samaradorlikni payqadim.

Yangi loyihalarda bajargan ishlarimning aksariyati koʻp oʻylash yoki ortiqcha kuch sarflash shart boʻlmagan, ammo vaqt talab qiladigan vazifalar edi. SI vositalaridan foydalangan holda testlar, interfeys shablonlari, yangi sinflar yaratish yoki maʼlumotlarni formatlashni avtomatlashtirish orqali topshiriqlarni 10 baravar tezroq bajarishim mumkin. SI men nima qilmoqchi ekanligimni tushunib olgach, maqsadimga erishish uchun loyihamga kerak boʻlgan kodni yaratib beradi.

Aslini olganda, men murakkab funksiya birliklarini yaratishim yoki oʻzimga unchalik tanish boʻlmagan kutubxona bilan ishlashimga toʻgʻri kelgan holatlar ham boʻlgan. Bunday paytlarda men yaratishim kerak boʻlgan narsaning qisqacha taʼrifini yozardim va koʻpincha sunʼiy intellekt mening talablarimga mos keladigan kod bloklarini chiqarib berardi.

Masalan, yaqinda PHP dasturlash tilida tuzilgan loyiha ustida ishlayotganimda koʻrsatmalarining nihoyatda murakkabligi bilan mashhur boʻlgan ffmpeg kutubxonasidan foydalanmoqchi boʻldim. Buning uchun shunchaki quyidagi buyruqlarni yozdim:

public function formatVideo($video)
{
    // use ffmpeg to convert the video to a gif
}

Uni yozganimdan soʻng, enter tugmasini bosdim va loyihaning qolgan qismida bir nechta kichik oʻzgarishlar kiritib foydalanishim mumkin boʻlgan kod tayyor boʻldi.

Muhimi shundaki, bu menga vaqtni tejab qolishga yordam berdi. Agar men kutubxonaning aniq tafsilotlarini bilganimda, albatta, yana bir-ikki daqiqa yonga qolar edi. Men bu kutubxona bilan ishlashni yaxshi bilmasam ham, dasturlash tilini va SI dan nima soʻrashim kerakligini aniq bilganim va u menga bergan koddan toʻgʻri foydalanishni uddalay olganim uchun ham vaqtim tejaldi. Koʻrsatmalarni birma-bir yozib chiqish, Stack Overflow savollarini ko’rib chiqish yoki bir necha marta xato qilgandan keyingina to’g’ri yo’lni topish uchun vaqt sarflashga hojat qolmadi.

Mana shu joyda sunʼiy intellekt dasturlash uchun chinakamiga qoʻl keladi, yaʼni u yaxshiroq va tezroq ishlashingizga yordam beradi.

Biroq, yana ikkita masala bor.

1. SI oʻziga haddan tashqari ishonadi. Loyihamda yoki men foydalanadigan kutubxonada mavjud boʻlmagan argumentlar yoki funksiyalar gallyutsinatsiya qilingan holatlar koʻp boʻlgan. Ehtimol, yana bir necha marta urinib koʻrib, uni toʻgʻri yoʻnalishga solib olsam boʻlardi, lekin baʼzida u butunlay nazoratdan chiqib ketib, aynan men xohlagan narsani toʻgʻridan-toʻgʻri bajarmaydigan boshqacharoq kodni yozib berardi. Biroq, bu juda kamdan-kam hollarda sodir boʻlgan.

2. Bogʻliqlik yetishmaydi. ChatGPT va Copilot berilgan maʼlumotlar asosida maʼlum bir funksiyani bajaradigan kod qismlarini yaratishni yaxshi uddalaydi. Ammo toʻliq dasturni yaratish hali ham deyarli imkonsiz. Birinchidan, matn hajmi uchun cheklov oʻrnatilgan, hatto GPT-4 8 ming token bilan cheklangan (taxminan ~ 6 ming soʻz). Ikkinchidan, vektorli maʼlumot bazalari va AutoGPTʼdan foydalanganda ham, modellar uchun bitta rivojlanish uslubiga rioya qilish yoki dasturda oʻrtacha murakkablikdan biroz yuqoriroq boʻlgan umumiy koʻrsatmani bajarish qiyinlik qiladi. SIdan “Todo” ilovasini yaratishni soʻrasangiz, u buni juda yaxshi bajara olishi mumkin. Sartaroshxonada lidlar bilan ishlash uchun CRM yaratish kabi murakkabroq ishni buyursangiz, jarayon bir tekisda boshlansa ham, natija chala funksionallik yoki foydasiz kod bilan yakunlanadi.

Aynan shu muammo bizni maqolaning keyingi boʻlimiga olib oʻtadi. Biroq, navbatdagi qismini oʻqishdan avval “Data Science va Sunʼiy intellekt” kursi bilan tanishib chiqing. Bu sizga SI bilan samaraliroq ishlashingizda yordam beradi.

Sun'iy intellekt seriyasidagi maqolalarning 2-qismini bu yerda o'qing.

Maqolani davomini esa bu yerda o'qishingiz mumkin.

Manba: “AI is a fad and programming is dead”